Su bentu de s’autodeterminatzione de sa natzione de sas Fiandras sulat subra sa conca de sos fiammingos.

Sos rapresentantes polìticos fiammingos de sa coalitzione chi guvernat su parlamentu belga abàidant cun serenidade una prossima autodeterminatzione de sa natzione de sas Fiandras chi at a èssere in paghe e in democratzìa.

 

De Juanne Pancràtziu Deperu e Dàriu Piga.

 

 

Brussellas (Flandres) est da-e su 10 de làmpadas de su 2007 chi custu istadu est partidu in duas partes: a un ala sos francòfonos Vallones e a s’àtera sos Fiammingos, seghidores de sa cultura e de sa limba Flemish. Est da-e sas ùltimas eletziones, rutas in su mese de làmpadas 2007, chi si chircat de fraigare una unidade guvernativa in d’unu cuadru polìticu chi bidet a un ala, a cabu, su grupu fiammingu chi disizat s’indipendentzia de sas Fiandras, e da-e s’àtera sos Vallones chi diant chèrrer sighire a mantènnere in pè s’istadu belga.